Ալիևը հայտարարել է Քաշաթաղում և Կովսականում օդանավակայաններ կառուցելու ծրագրերի մասին

Լեռնային Ղարաբաղի` Ադրբեջանի վերահսկողության տակ անցած տարածքներում ծրագրվում է 3 օդանավակայան կառուցել:

Այս մասին մամուլի ասուլիսի ժամանակ հայտարարել է Ադրբեջանի նախագահ Իլհամ Ալիևը, գրում է minval.az կայքը:

«Ֆիզուլիում (Վարանդա) արդեն սկսվել են օդանավակայանի կառուցման աշխատանքները: Մենք օպերատիվ կերպով սկսել ենք ականազերծման հետ կապված հարցերը, քանի որ դա առաջնային խնդիր է: Ծրագրվում է օդանավակայաններ կառուցել Լաչինում (Քաշաթաղ) և Զանգելանում (Կովսական): Զանգելանը կդառնա կարևոր լոգիստիկ կենտրոն, այդ թվում ՝ 2020 թվականի նոյեմբերի 10-ի հայտարարությունների իրականացման շրջանակներում»,-հայտարարել է Ադրբեջանի նախագահը: