Հորդորում ենք զերծ մնալ ցանկացած հանրահավաք կազմակերպելուց. Էդուարդ Աղաջանյան

Արցախից Հայաստան վերադարձած մի շարք զինծառայողներ և, որպես կամավոր, առաջնագիծ մեկնած քաղաքացիներ այսօր մտադիր են հանրահավաք իրականացնել Երևանում՝ հաջակցություն Հայաստանի Հանրապետության Կառավարության և վարչապետի։

Այս մասին ֆեյսբուքյան իր էջում հայտնում է ՀՀ վարչապետի աշխատակազմի ղեկավար Էդուարդ Աղաջանյանը՝ շարունակելով.

«Շնորհակալ ենք յուրաքանչյուրիդ ցուցաբերած աջակցության համար և վստահեցնում ենք, որ մեր աշխատանքով կարդարացնենք այն։

Միաժամանակ, հորդորում ենք զերծ մնալ ցանկացած հանրահավաք կազմակերպելուց, քանի որ ռազմական դրության իրավական ռեժիմի պայմաններում արգելված է հավաքների կազմակերպումն ու դրանց մասնակցելը։ Բացի այդ, այս օրերին մեզ, առավել, քան երբևէ, համախմբվել է պետք ու մեր ամբողջ ներուժն ուղղել հայրենիքի վերակառուցմանը։

Ողջախոհություն բոլորիս»: