Հայաստանի և Ադրբեջանի ԱԳՆ ղեկավարների՝ այսօր նախատեսված հանդիպումը կկայանա՞. ԱԳՆ-ի պատասխանը
Ժնևում այսօր՝ հոկտեմբերի 29-ին, նախատեսված էր Հայաստանի և Ադրբեջանի ԱԳ նախարարներ Զոհրաբ Մնացականյանի և Ջեյհուն Բայրամովի ու ԵԱՀԿ Մինսկի խմբի համանախագահների հանդիպումը: Սակայն ՌԻԱ «Նովոստի» գործակալության Telegram-ի ալիքը տեղեկացրել էր, որ ըստ իրենց աղբյուրի՝ այն հետաձգվել է և կկայանա վաղը։
SHANTNEWS.am-ն այս տեղեկատվությունը փորձեց ճշտել ՀՀ ԱԳՆ մամուլի խոսնակ Աննա Նաղդալյանից: Վերջինս պատասխանեց, որ դեռևս չի մեկնաբանում այն, չի մեկնաբանում նաև՝ տեղեկատվությունը հավաստի՞ է, թե՞ ոչ:
