Թուրքիան և մի շարք այլ երկրներ պետք է ձեռնպահ մնան Լեռնային Ղարաբաղի զինված հակամարտության սրմանը նպաստող քաղաքականությունից։ Այս մասին ԱԳՆ Պետքարտուղար Կլեման Բոնն ասել է Ֆրանսիայի հրեական համայնքի Radio Gl լրատվամիջոցին տված հարցազրույցում: Փոխանցում է ՏԱՍՍ-ը:

«Ֆրանսիան ձգտում է հասնել ռազմական գործողությունների դադարեցմանը և Լեռնային Ղարաբաղում հաշտեցմանը ։ Ռուսաստանի և ԱՄՆ-ի հետ այն հանդիսանում է ԵԱՀԿ Մինսկի խմբի համանախագահ, պետք է ապահովել, որ որոշ ազդեցիկ երկրներ, մասնավորապես՝ Թուրքիան, դադարեն յուղ լցնել Ղարաբաղյան հակամարտության կրակի վրա, ինչը տեղի է ունենում այժմ»,- ասել է ԱԳՆ ներկայացուցիչը: