Պուտինը հայտնել է Փաշինյանի ու Ալիևի հետ հեռախոսազրույցների մասին
ՌԴ նախագահ Վլադիմիր Պուտինը Մոսկվայում Հայաստանի ու Ադրբեջանի ԱԳ նախարարների հանդիպումից առաջ Անվտանգության խորհրդին հայտնել է Հայաստանի ու Ադրբեջանի ղեկավարներ Նիկոլ Փաշինյանի ու Իլհամ Ալիևի հետ հեռախոսազրույցների մասին: Այս մասին, ինչպես հայտնում է ՌԻԱ Նովոստին, ասել է Պուտինի խոսնակ Դմիտրի Պեսկովը:
Պոսկովի խոսքերով, խորհրդակցության մասնակիցները կրկին ընդգծել են կրակի դադարեցման կարևորությունը՝ համապատասխան կոչով դիմելով կողմերին:
Նշենք, որ Մնացականյանի ու Բայրամովի հանդիպումը պետք է կայանար Երևանի ժամանակով ժամը 16:00-ին, սակայն, ըստ ամենայնի, կայանալու է մեկ ժամ ուշ, եթե հաշվի առնենք այն, որ ռուսական լրատվամիջոցները փոխել են հանդիպման ուղիղ եթերի ժամը:
