Իսպանիայում Բելառուսի դեսպան Պավել Պուստովոյը հեռացվել է պաշտոնից և զրկվել դիվանագիտական կոչումից։ Ինչպես հայտնում է «Наша нива» պարբերականը, հրամանագրում նշվում է, որ նա հեռացվում է պարտականությունների ոչ պատշաճ կատարման համար։

Լրատվականը նշում է, որ դեսպանն ավելի վաղ կոչ էր արել վերահաշվարկել քվեները և առաջարկել էր բաց դատական նիստեր անցկացնել նրանց հանդեպ, ովքեր բողոքի ակցիաների ժամանակ ծեծի էին ենթարկել խաղաղ ցուցարարներին։

Ավելի վաղ Լուկաշենկոն հեռացրել էր Սլովակիայում դեսպան Իգոր Լեշչենյային, ով հրապարակավ դատապարտել էր ընդդիմադիր ակտիվիստների հանդեպ կոշտ ուժի կիրառումը։