Հաքերները կոտրել են «Բարսելոնա»-ի Twitter-ի էջը և գրառում կատարել Նեյմարի հնարավոր վերադարձի մասին
«Բարսելոնայի» Twitter-ի էջը հաքերական հարձակման է ենթարկվել:Սա պարզ է դարձել, երբ կատալոնական ակումբի էջում գրառում է կատարվել ՊՍԺ-ի հարձակվող Նեյմարի հնարավոր վերադարձի մասին.
«Մենք մի քանի անձնական հաղորդագրություն ենք կարդացել: Ամենայն հավանականությամբ, Նեյմարը վերադառնում է»,- ասվում է ակումբի «տարածած» հաղորդագրության մեջ:
Ավելի ուշ, «Բարսելոնան» կարողացել է վերականգնել էջերը և հետևյալ գրությունն է հայտնվել.
«Բարսելոնայի» «Թվիթերի» էջերը կոտրվել են: Բոլոր հաղորդագրությունները հեռացվել են: «Բարսելոնան» հետաքննություն կանցկացնի ու կուսումնասիրի ամեն բան, որպեսզի խուսափի նման միջադեպերից»:
Նեյմարը ՊՍԺ էր տեղափոխվել «Բարսելոնայից» 2017 թվականին, տրանսֆերի ռեկորդային՝ 222 մլն եվրո արժեքով: Նախորդ տարվա ամռանը հաղորդվում էր, որ ֆուտբոլիստը ցանկանում է հեռանալ ֆրանսիական ակումբից ու վերադառնալ «Բարսելոնա»:
