Աշխատող ուսանողների ուսվարձը կփոխհատուցվի եկամտային հարկի վերադարձի տեսքով. Գաբրիելյան
Այսօր՝ հունվարի 23-ին, Ազգային ժողովում շարունակվում է հերթական նիստի աշխատանքը: Այժմ քննարկվում է Հարկային օրենսգրքում փոփոխություն անելու հարցը:
Նախագծի համահեղինակ՝ «Իմ քայլը» խմբակցության պատգամավոր Սիսակ Գաբրիելյանը նշեց՝ բոլոր այն ուսանողները, որոնք կառավարության սահմանած մասնագիտությունների ցանկում սովորելու ընթացքում կաշխատեն, ուստարվա ավարտից հետո պետությունը ուսման վարձը կփոխհատուցի եկամտային հարկի վերադարձի տեսքով.«Նմանատիպ օրինակն է բնակարանների դեպքում: Նշեմ, որ Ֆինանսների նախարարությունը բացասական եզրակացություն ունի: Հիմնավորումներին ծանոթ եմ, ունենք պայմանավորվածություն, որ առաջինց երկրորդ ընթերցում մենք կքննարկենք իրենց հետ»:
Գաբրիելյանը նշեց, որ նախարարության մի քանի հակափաստարկներ իր համար անհասկանալի են.«Իրենք դեմ են, քանի որ չեն հասկանում՝ սա հարկային արտոնություն է, թե՝ սոցիալական աջակցություն, իմ կարծիքով էությունը դրանից չի փոխվում»:
