Ազգային ժողովում պարգևատրումների գումարը կազմել է մոտ 900 մլն դրամ

2019 թվականին ՀՀ Ազգային ժողովն ունեցել է բյուջեով հաստատված 2 պարգևատրման ֆոնդ՝ «Պարգևատրումներ, դրամական խրախուսումներ և հատուկ վճարներ»՝ 817,785,700 ՀՀ դրամ, և «Քաղաքացիական, դատական և պետական այլ ծառայողների պարգևատրում»՝ 83,645,300 ՀՀ դրամ չափերով։ Այս մասին հայտնել են Aysor.am-ին՝ ի պատասխան մեր այն հարցման, թե որքան է կազմել 2019 թվականին վճարված պարգևավճարների ընդհանուր գումարը։

Լրատվականը նշում է, որ առաջին ֆոնդից պարգևատրվել են ՀՀ Ազգային ժողովի բոլոր աշխատակիցները (պատգամավորներ, աշխատակազմի աշխատակիցներ)՝ 11 անգամ, որի փաստացի ծախսը 2019 թվականին կազմել է 815,981,352 ՀՀ դրամ։

Երկրորդ ֆոնդից պարգևատրվել են ՀՀ ԱԺ պետական ծառայող հանդիսացող աշխատակիցները՝ 2 անգամ (կիսամյակային կտրվածքով)։
Բոլոր պարգևատրումները հաշվարկվել և վճարվել են ՀՀ ԱԺ նախագահի կարգադրությունների հիման վրա։