Մենք բանակցում ենք, անկախ նրանից, թե ովքեր են ադրբեջանական կողմում․ Մնացականյան

Հայկական կողմը պատրաստ է բանակցություններ վարել ադրբեջանական կողմի հետ՝ անկախ նրանից, թե ովքեր են ներկայացնելու Ադրբեջանը։ Այս մասին այսօր Ազգային ժողովում հայտարարեց ԱԳ նախարար Զոհրաբ Մնացականյանը՝ պատասխանելով Ադրբեջանում անցկացվելիք ընտրությունների ազդեցության մասին հարցին։

Ինչ վերաբերում է հումանիտար ծրագրերի իրականացմանը, Մնացականյանն ասաց, որ այդ հարցը մեծ կշիռ ունի բանակցությունների օրակարգում՝ վստահության մեխանիզմների ապահովման հարցի կողքին։

Նախարարն ասաց, որ ընդհանրապես բանակցային հարաբերություններում փոքր, բայց դրական արդյունք կա, և դա լրագրողների փոխայցելությունն է։