«Սրա դեմ պայքարը միայն ոստիկանությամբ չէ». Գայանե Աբրահամյանը՝ աղմկահարույց դեպքի մասին
ԱԺ պատգամավոր Գայանե Աբրահամյանը ֆեյսբուքյան իր էջում գրել է. «Ընկերներ ջան, այսօր տարածված տեսանյութի վայրենուն (կներեք. այլ կերպ չեմ կարող որակել) բացահայտելու ու համապատասխան պատիժ տալու գործով ոստիկանությունն այս պահին զբաղվում է, հուսով եմ` իրավական արդյունքների մասին առաջիկայում կտեղեկացնենք։
Սա նույն քրեական, բռնության մշակույթի տարածման, արդարացման ու անպատժելիության հետևանքն է, որի մասին արդեն տասնամյակ ենք խոսում, որը, ցավոք, մեկ կամ երկու տարում արմատախիլ անել հնարավոր չէ, իսկ դրա դեմ պայքարը միայն ոստիկանությամբ չէ, որ պետք է իրականացվի, չնայած` գերակշիռ բեռը հենց այս մարմնի վրա է, սակայն կրթության, մեդիաների դերը շատ ավելի մեծ է, նույն այս բարքերը գեներացնող ու հաճախ հերոսացնող սերիալների ազդեցությունը տարիներով թերագնահատում էին, ցավոք...»:
