Հրայր Թովմասյանին մեղադրանք է առաջադրվել․ Ռուբեն Մելիքյան
Ինչպես արդեն հայտնել ենք, ՍԴ նախագահ Հրայր Թովմասյանը այսօր հրավիրվել է ՀՔԾ՝ հարցաքննության։
Սահմանադրական դատարանի նախագահ Հրայր Թովմասյանն այս պահին հարցաքննվում է, իսկ ՍԴ դատարանի բակում հավաքվել են մի խումբ մարդիկ՝ աջակցելու ՍԴ նախագահին։
Քիչ առաջ իրավապաշտպան Ռուբեն Մելիքյանը լրագրողների հետ զրույցում նշեց, որ իր տեղեկություններով՝ ՍԴ նախագահ Հրայր Թովմասյանին մեղադրանք է առաջադրվել։ Մելիքյանը նշեց, որ դեռևս տեղեկություն չկա՝ ինչ հոդվածով է առաջադրվել մեղադրանքը։
ArmDaily.am-ը փորձել է ճշտել ՀՔԾ մամուլի խոսնակ Մարինա Օհանջանյանից, սակայն վերջինս նշել է, որ այս պահին ոչինչ չի կարող ասել։
Հարցին՝ հաստատո՞ւմ եք, մեղադրանք առաջադրելու մասին լուրը՝ Օհանջանյանը նշել է. «Այս պահին տեղեկություն չունեմ, ավելի ուշ կարող եմ որևէ բան ասել»։
