Բանտում մարմնավաճառի ծառայության դրույքաչափը եղել է 300-ից 1000 դոլարի սահմանում․ Արթուր Գոյունյան
Ոչ մեկի մարդը չեմ եղել, մութ գործարքներում չեմ ներքաշվել՝ արատավորելով անունս։ Այս մասին այսօր լրագրողների հետ զրույցում ասաց Քրեակատարողական ծառայության պետ Արթուր Գոյունյանը։
Պաշտոնյան պատմեց քրեակատարողական հիմնարկներում եղած բարքերի մասին։
«Բանտում մարմնավաճառի ծառայություն մատուցելու դրույքաչափը եղել է 300-ից 1000 դոլարի սահմանում։ Հասարակության մեջ լուրեր են տարածված եղել, որ հասանելիքից ավել կարճատև տեսակցության համար դրույքաչափ է սահմանված եղել՝ 100 ԱՄՆ դոլար, երկարատևը՝ 300 դոլար։ Գումարներ են նշանակվել տույժ չնշանակելու համար։ Քրեական ենթամշակույթ կրող անձանց համար բացահայտ ապահովված են եղել սննդի, տեղաշարժի, հանգստի լավագույն պայմաններ, վերջիններիս խցերի դռները երբեք չեն փակվել»,- ասաց նա՝ հավելելով, որ այդ ամենը անցյալ է, ոչ մեկ հույս պիտի չփայփայի, որ կարող է վերադարձ լինել անցյալին։
