ԱՄՆ-ի Ներկայացուցիչների պալատն իմպիչմենտի ենթարկեց Թրամփին

ԱՄՆ-ի Կոնգրեսի Ներկայացուցիչների պալատը քվեարկել է նախագահ Դոնալդ Թրամփի պաշտոնանկության օգտին՝ «լիազորությունների չարաշահում» հոդվածով։ 

Խորհրդարանական մեծամասնությունը՝ ի դեմս դեմոկրատների, քվեարկել է Թրամփի պաշտոնանկության օգտին, հանրապետականները դեմ են քվեարկել: Պաշտոնանկության առաջին հոդվածով կողմ է քվեարկել 230 կոնգրեսական, այդ թվում՝ 1 անկախ պատգամավոր, դեմ՝ 197, այդ թվում՝ երկու դեմոկրատ: Մեկ մարդ ձեռնպահ է մնացել:

Ըստ հանձնաժողովի՝ Թրամփը սահմանադրական և քրեական հանցանք է գործել՝ փորձելով ճնշում գործադրել Ուկրաինայի նախագահ Վլադիմիր Զելենսկիի վրա, որպեսզի վերջինս հետաքննություն սկսի ԱՄՆ նախկին փոխնախագահ, 2020թ. նախագահական ընտրություններում Թրամփի գլխավոր մրցակից Ջո Բայդենի դեմ:

Կոնգրեսի վերին պալատում է՝ Սենատում, որտեղ արդեն կանցկացվի դատավարություն, ինչպես նախատեսված է երկրի սահմանադրության մեջ։

Թրամփին իշխանությունից զրկելու համար անհրաժեշտ է սենատորների երկու երրորդի համաձայնությունը, սակայն ներկայում հանրապետականների մեծամասնությունը մտադիր չէ քվեարկել նախագահի դեմ: 

ԱՄՆ-ի ամբողջ պատմության ընթացքում Ներկայացուցիչների պալատը միայն երկու անգամ է պաշտոնանկության գործընթաց սկսել՝ 1868 թվականին Էնդրյու Ջոնսոնի դեմ և 1998-ին Բիլ Քլինթոնին դեմ, սակայն Սենատն արդարացրել է երկուսին էլ: Թրամփը երկրի 45-րդ նախագահն է և մտադիր է 2020 թվականին վերընտրվել երկրորդ ժամկետով: