Մշակութային գործիչները՝ Քոչարյանին ազատ արձակելու իրենց պահանջի մասին

Քիչ առաջ հայտնել էինք, որ մշակութային մի շարք գործիչներ պահանջում են երկրորդ նախագահ Ռոբերտ Քոչարյանին ազատ աձակել։ 

Auroranews-ը կապ հաստատեց դերասան Գուժ Մանուկյանի հետ, որի անունն էլ էր ներառված այդ ցանկում։ Դերասանը մեզ հետ զրույցում մանրամասնեց․ «Ինձ զնագահարել են, ասել են, որ նման ցուցակ կա, կարո՞ղ են իմ անունն էլ ներառել, ասել եմ, եթե կարիք կա անուններ նշել, կարող են նշել։ Ինձանից բարձր մարդիկ կան, որոնք կարող են նման պահանջ ներկայացնել, ես քաղաքականության մեջ չեմ խառնվում և ծանոթ չեմ գործընթացներին, որ նման պահանջ ներկայացնեմ»։ 

Auroranews-ը կապ է հաստատել նաև Էրիկ Կարապետյանի, Ավետ Բարսեղյանի և Ալլա Լևոնյանի հետ, պարզելու համար լուրի իսկությունն ու թե որքանո՞վ են ճիշտ համարում մշակույթն ու  քաղաքականությունն իրար խառնելը։ Վերջիններս նշեցին, որ չեն մեկնաբանում լուրը։

Մեզ հետ զրույցում Բերդ պարային անսամբլի տնօրենը լուրը համարեց խայտառակություն, նշեց, որ հերքելու են,  թե ՀՀ վաստակավոր կոլեկտիվ «Բերդ» պարային անսամբլի գեղարվեստական ղեկավարը միացել է այս պահանջին։