Ռազմիկ Աբրահամյանը այլեւս հանրապետության գլխավոր գինեկելոգը չէր. ԱՆ խոսնակ

ՀՀ առողջապահության նախարարության մամուլի խոսնակ Ալինա Նիկողոսյանը ֆեյսբուքյան իր էջում գրել է, որ երեկվանից լրահոսում հայտնված հրապարակումներում անընդհատ շեշտվում է, թե Ռազմիկ Աբրահամյանը հանդիսանում է «գլխավոր գինեկոլոգ»:

Այս կապացությամբ խոսնակը հայտնել է, որ առողջապահության նախարար (ԱՆ) Արսեն Թորոսյանը պաշտոնավարման սկզբից վերանայել է ԱՆ գլխավոր մասնագետների ցանկը և 2018 թվականի սեպտեմբերի 7-ի նախարարի No 2300 - Ա հրամանով Ռազմիկ Աբրահամյանը դադարել է լինել ԱՆ խորհրդատու (նախկինում գլխավոր մասնագետ)` մանկաբարձագինեկոլոգիական գծով:

Հիշեցնենք, երեկ հայտնի դարձավ, որ «Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտ» ՓԲ ընկերության («Հանրապետական» ծննդատան) տնօրեն Ռազմիկ Աբրահամյանը ձերբակալվել է: