Հրդեհ երկաթյա տնակում, որտեղ պահվում են արևային պանելների դետալներ
Դեկտեմբերի 18-ին, ժամը 01:23-ին «911» ծառայություն ահազանգ է ստացվել, որ Կոտայքի մարզի Քասախ գյուղի մոտակայքում գտնվող չշահագործվող շինությունում ծուխ է նկատվում:
ԱԻՆ լրատվական ծառայությունից հայտնում են, որ դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ:
Պարզվել է, որ հրդեհը բռնկվել է Աշտարակի խճուղու թիվ 14 հասցեում՝ «Ջեյ Քեյ էլեկտրիկ» ՍՊԸ-ի տարածքում գտնվող երկաթյա տնակում, որտեղ պահվում են արևային պանելների դետալներ:
Հրդեհը մեկուսացվել է ժամը 02:57-ին, մարվել՝ 03:13-ին:
Տնակում (մոտ 18 քմ) ամբողջությամբ այրվել են արևային պանելների դետալները և կից տնակի երեսպատումը (մոտ 0.5 քմ)՝ մասամբ:
