ԱՀԱԶԱՆԳ․ Խանջյան փողոցի շենքերից մեկում տարօրինակ հոտ է տարածվել
Հայաստանի ԱԻՆ-ում, դեկտեմբերի 3-ին, ժամը 22:01-ին «911» ծառայություն ահազանգ է ստացվել, որ Երեւանի Խանջյան փողոցի թիվ 31 շենքի 1-ին մուտքում տարօրինակ հոտ է զգացվում:
Դեպքի վայր է մեկնել ԱԻՆ ՓԾ Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Պարզվել է, որ Խանջյան փողոցի թիվ 30 հասցեում՝ կիսակառույց շինությունում, այրվում է բազմոց, որի հոտն էլ տարածվել է թիվ 31 շենքի մուտքում:
Հրդեհը մարվել է ժամը 22:55-ին: Այրվել է բազմոց՝ մասամբ:
