Երևանի քաղաքապետարանում տեղյակ չէին, որ «Լույս» խմբակցության ղեկավար Դավիթ Խաժակյանը բանավեճի է հրավիրել քաղաքապետ Հայկ Մարությանին։

«Ի՞նչ բանավեճի մասին է խոսքը», - Aysor.am-ին ասել է Հայկ Մարությանի խոսնակ Հակոբ Կարապետյանը, երբ փորձում էինք ճշտել՝ արդյոք պարոն Մարությանը կընդունի բանավեճի հրավերը։

Դիտարկմանը՝ Խաժակյանը հայտարարել է, թե հեռակա բանավեճը դադարեցնում է ու Հայկ Մարությանին հրավիրում է առերես ուղիղ եթերում բանավեճի, Կարապետյանն արձագանքեց. «Շատ լավ, ընդունեցի ի գիտություն»։

Հարցին՝ ե՞րբ կարղ ենք ճշտել, թե ինչպիսին կլինի Հայկ Մարությանի արձագանքը, խոսնակը պատասխանեց. «Հենց արձագանք լինի, դուք դրա մասին անմիջապես կտեղեկանաք»։