Նախատեսվում է ոստիկանապետի և ԱԱԾ տնօրենի պաշտոնները սահմանել որպես քաղաքական պաշտոններ. Մարուքյանը մանրամասնում է
«Ըստ նախագծի` վարչական պաշտոնյաներ են լինելու և քաղաքական զսպվածություն են ունենալու, հետևաբար, քաղաքականացման հարց չի գնում, խոսքը գնում է համակարգից դուրս նշանակման մասին»,- ԱԺ «Լուսավոր Հայաստան» խմբակցության ղեկավար Էդմոն Մարուքյանը խորհրդարանանի միջանցքում պատասխանելով լրագորղների հարցերին, անդրադարձել է իրենց կողմից հեղինակած օրենսդրական նախաձեռնությանը, որով նախատեսվում է ոստիկանապետի և ԱԱԾ տնօրենի պաշտոնները սահմանել որպես քաղաքական պաշտոններ:
Նա իր խոսքում նշել է, որ իշխանությունը նաև առաջարկել է տեղակալների պաշտոնները ազատականացվեն և համակարգից դուրս նշանակումներ արվեն:
«Մենք ասել ենք, որ առաջարկն ընդունելի կլինի, եթե ԱԺ կանոնակարգ օրենքում կետ ավելացվի, որով կառավարությանը և վարչապետին ենթակա մարմինների ղեկավարները կգան խմբակցություններ և կպատասխանեն խմբակցության հարցերին: Այս մասով դեռ կոնսենսուս չկա, բանակցություններ են ընթանում, չհամաձայնելու դեպքում փաթեթն ամբողջությամբ կմերժեն», – ասաց Էդմոն Մարուքյանը:
