Ապատեղեկատվություն է․ ՀՅԴ ՀԵՄ-ի հետ հանդիպման պայմանավորվածություն չկա․ ԿԳՄՍՆ
ՀՀ կրթության, գիտության, մշակույթի և սպորտի նախարարությունը հերքում է, որ դեկտեմբերի 3-ին կկայանա Արայիկ Հարությունյանի ու ՀՅԴ-ական երիտասարդների հանդիպումը։
«ՀՅԴ ՀԵՄ-ն այսօր հայտարարություն է տարածել, որում նշվում է, թե իբր վաղը` ժամը 15:00-ին, նախատեսված է հանդիպում ՀՀ ԿԳՄՍ նախարար Արայիկ Հարությունյանի հետ։
Հայտնում ենք, որ սա ապատեղեկատվություն է, և հանդիպման որևէ պայմանավորվածություն չկա։
ԿԳՄՍՆ-ն նախապես հստակ տեղեկացրել է «Բարձրագույն կրթության և գիտության» մասին օրենքի նախագծի վերաբերյալ կարծիք արտահայտելու և առաջարկներ անելու հարթակների մասին։ Կոչ ենք անում քննարկումներին մասնակցել այդ հարթակներում», - ասված է ԿԳՄՍ հայտարարության մեջ։
