Ադրբեջանի սահմանին վախեցել են հայկական ծխախոտից ու նարդուց․ ոչնչացրել են դրանք
Ադրբեջանի սահմանապահ ծառայության ներկայացուցիչն այսօր գլուխ է գովել, թե իրենք արգելում են հայկական ապրանքների ներմուծումը Ադրբեջանի տարածք, և հայտնաբերելիս էլ ոչնչացնում են։ Ինչպես հայտնում է Infoteka24-ը, մասնավորապես Ադրբեջանի և Իրանի սահմանին՝ Աստարա քաղաքի մոտ տեղակայված անցակետի ղեկավարը հայտարարել է, թե վերջին երկու տարվա ընթացքում ընդամենը երկու անգամ է եղել, որ փորձ է արվել Ադրբեջան ներմուծել հայկական արտադրության որևէ ապրանք։ Նրա խոսքով՝ երկու դեպքում էլ փորձն արել են Իրանի քաղաքացիներ։ Սահմանապահը ասել է, որ մեկի մոտ եղել է հայկական արտադրության ծխախոտ, մյուսի մոտ՝ նարդի։ Երկու դեպքում էլ, ըստ սահմանապահի, այդ ապրանքներն առգրավվել ու ոչնչացվել են։ Ուշագրավ է, որ Infoteka24- ի աշխատակազմը շնորհավորել է ադրբեջանցի մաքսավորներին, իրենց բավական աչալուրջ աշխատանքի համար:
