Պաշտպանը բողոքարկել է ՄԱՊ-ի Ալիկին կալանավորելու որոշումը
ԱԺ նախկին պատգամավոր, գործարար Ալեքսան Պետրոսյանի նկատմամբ որպես խափանման միջոց կալանավորումը կիրառելու քննիչի միջնորդությունը բավարարելու մասին դատարանի որոշումը պաշտպան Միհրան Պողոսյանը բողոքարկել է։
NEWS.am-ի հետ զրույցում Միհրան Պողոսյանն ասաց, որ բողոքարկման հիմքերի վերաբերյալ կխոսի ավելի ուշ.
«Կբարձրաձայնեմ, երբ բողոքարկումիս վերաբերյալ դատարանի որոշումը հրապարակի»։
Ավելի վաղ հայտնել էին, որ Պետրոսյանը կալանավորվել է բնապահպանության նախկին նախարար Արամ Հարությունյանի դեմ հարուցված քրեական գործի շրջանակներում։ Ձերբակալված է եղել նաեւ նրա որդին՝ Մակար Պետրոսյանը, սակայն որոշ ժամանակ անց ազատ արձակվել: Նշենք, որ Պետրոսյանը մեղադրվում է փողերի լվացմանն օժանդակելու մեջ: Հատուկ քննչական ծառայությունը Ալեքսան Պետրոսյանի եւ նրա որդու գործի վերաբերյալ որեւէ մեկնաբանություն չի տալիս:
