ՌԴ ԱԳՆ-ը մեկնաբանել է Սերբիայում տեղի ունեցած լրտեսական սկանդալը
Լրտեսական սկանդալ է տեղի ունեցել Ռուսաստանի ու Սերբիայի միջև: Սերբական կողմի փոխանցամամբ` ռուսական ռազմական կցորդը փորձել է հավաքագրել սերբական բանակի սպային: Սերբիայի նախագահ Ալեքսանդր Վուչիչը սկսել է հետաքրքրվել տեղեկություններով: Վուչիչը հանձնարարել է ռազմական անվտանգության գործակալությանը տեղեկությունների հավաստիությունը ստուգելու համար հատուկ քննություն սկսել։
Ռուսաստանի արտգործնախարարությունը ևս մեկնաբանել է այս տեղեկությունը և տեսանյութը, որտեղ ռուսական ռազմական կցորդը գումար է փոխանցում սերբական բանակի սպային:
«Մենք արդեն սովոր ենք, որ պետական բարձր մակարդակով հանդիպումներից առաջ նման հետաքրքիր սցենարներ են հայտնվում, ինչ-որ սենսացիաներ են հրապարակվում: Այնուամենայնից, ժամանակը ցույց է տալիս, որ սա կամ ապատեղեկատվություն է, կամ հապճեպ սադրանք: Ինձ թվում է բոլոր հարցերը, որոնք երկրին, պետությանը մտահոգում են լուծվում են համապատասխան խողովակներով»,- ria.ru-ի փոխանցմամբ` ասել է ԱԳՆ ներկայացուցիչ Մարիա Զախարովան:
