Դերասան Սերգեյ Դանիելյանը  ֆեյսբուքյան իր էջի ուղիղ եթերում հայտնել է, որ այսօր դերասան Արտյոմ Կարապետյանի հետ այցելել են ոստիկանություն եւ հանցագործության մասին հաղորդում են տվել՝ կապված Արտյոմ Կարապետյանի հետ նախօրեին տեղի ունեցած միջադեպի առթիվ:

«Երեկ նա ճանապարհին մեկին նկատողություն է անում, որ նա շատ վատ բան արեց, եւ քիչ էր մնում Արտյոմն իրեն վրաերթի ենթարկի: Հետո բոլոլա է սկսվում, էդ «ԳԱԶԵԼ»-ի վարորդը դանակ է հանում: Լավ է, որ լուրջ բան չեղավ: Մենք գնացինք ոստիկանություն եւ այսօրվա տերմինաբանությամբ ասած «գործ տվեցինք»։

Դերասանը դիմել է ԱԺ այն պատգամավորներին, որոնք ասում են, որ գողականները լավն են, որ էդ մշակույթին չի կարելի ձեռք տալ․  «Եթե չեմ սխալվում Վարդանիկը  ասեց, որ գողականները խելոք մարդիկ են: Ժողովուրդ ջան, կուզե Վարդանիկն էղնի, կուզե ընկեր Մարգոն էղնի, մեզ չի հետաքրքրում: Ես հայտարարում եմ, որ ես գործ տվող եմ եւ ոչ միայն ես, այլեւ իմ շրջապատի շատ ու շատ մարդիկ, որոնք ուզում են, որ օրինական երկիր ունենանք:

Բոլոր նրանք, որոնք «պանյատկեքով» են ապրում, ուրիշի ազատությանը կարող են բռնանալ, իմացեք, որ ձեր օրենքներով չենք խոսելու, դրա համար կա ոստիկանություն, որին ես պահում եմ մեր հարկերով: Ու սրանից հետո կլինի միայն այդպես:

Ավելին, բոլոր երթուղայինների վարորդներին ուղղակի խնդրում եմ էդ բիտաները, արմատուրաները, դանակները տվեք ձեր գծատերերին,թ ող օգտագործեն էդ սուր գործիքները: Թե ինչպես կօգտագործեն ըստ իրենց նախասիրությունների: Մեզ վրա դա մի բանեցրեք, իրար սիրեք, հարգեք»,- ասել է Դանիելյան»ը։