«Քանի որ 12-13 տարի տնտեսական լրագրության մեջ աշխատել եմ, շատ լավ գիտեմ, թե ինչպես կարելի է նույն վիճակագրական զեկույցը ներկայացնել հա՛մ դրական լույսի տակ, հա՛մ բացասական՝ դու ինչ ես ուզում էտ պահին ցույց տալ»։

Այս խոսքերով Ազգային ժողովում բյուջեի քննարկումների ժամանակ ընդդիմադիր պատգամավորներին դիմեց իշխանական խմբակցության անդամ Բաբկեն Թունյանը։ Նա ակնարկեց, որ ընդդիմադիրները վերջին շրջանում միայն բացասական լույսի ներքո են ներկայացնում փաստերը։

Ապա Թունյանը ներկայացրեց դրական կողմից՝ գրաֆիկ ցույց տալով, որ համախառն ներքին արդյունքի և բյուջեի եկամուտների աճերը։ Իշխանական պատգամավորն ասաց, որ այդպիսով, եթե ցանկանան իրար թվերով ինչ-որ բաներ ապացուցել, ապա շատ այդպիսի թվեր կարելի է գտնել։