Մահափորձ էր նախատեսվել Անգելա Մերկելի նկատմամբ․ մանրամասներ

Գերմանիայի կանցլեր Անգելա Մերկելի դեմ կարող էր մահափորձ կազմակերպվել: 

Հետաքննության տվյալներով` Բեռլինի ահաբեկչությունից մոտ երկու ամիս առաջ Թունիսի քաղաքացի Անիս Ամրին սելֆիներ է արել Մերկելի նստավայրի շրջակայքում: Եվ նկարներից մեկում հատուկ նշվել է Մերկելի աշխատասենյակի պատուհանը: Բացի այդ, իրավապահներն Ամրիի հեռախոսում հայտնաբերել են նկարներ, որոնք արվել են Մերկելի տան շրջակայքում: Գերմանացի իրավապահները համոզված են, որ Ամրին բավականին երկար ժամանակ հետևել է Մերկելին:

Հետաքննության տվյալներով՝ ահաբեկիչը լրտեսել է Գերմանիայի կանցլերին:

Հիշեցնենք, որ 2016-ի դեկտեմբերի 19-ի երեկոյան տղամարդը բեռնատարով մխրճվել էր սուրբծննդյան տոնավաճառում հավաքված ամբոխի մեջ՝ խլելով 12 մարդու կյանք: