«Փաստ». Պաշտոնյաները խուսափել են հայտարարագրել ունեցվածքը. գործերն ուղարկվել են դատախազություն
«Փաստ» թերթը գրում է.
2019 թվականի հոկտեմբերի 1-ի դրությամբ պաշտոնեական պարտականությունները ստանձնելու, պաշտոնեական պարտականությունները դադարեցնելու օրերի դրությամբ գույքի, եկամուտների և փոխկապակցված անձանց հայտարարագրեր չի ներկայացրել 18 անձ:
Հանձնաժողովից թերթը հետաքրքրվել էր, թե 2019թ. հուլիսի 1-ից մինչև սեպտեմբերի 30-ն ընկած ժամանակահատվածում բարձրաստիճան պաշտոնյաներից քանի՞սը չի ներկայացրել պաշտոնական պարտականությունները ստանձնելու, պաշտոնեական պարտականությունները դադարեցնելու, ինչպես նաև 2018թ. տարեկան հայտարարագրերը:
2019թ. հոկտեմբերի 1-ի դրությամբ 2018 թվականի տարեկան հայտարարագիր չի ներկայացրել 6 պաշտոնատար անձ: Այդ առնչությամբ հարուցվել են վարչական իրավախախտման վերաբերյալ գործերի վարույթներ և կիրառվել վարչական տույժեր:
2019թ. հոկտեմբերին ՀՀ գլխավոր դատախազություն է ուղարկվել 4 գործ՝ 2018 թվականի տարեկան հայտարարագիրը դիտավորությամբ չներկայացնելու առերևույթ հատկանիշներով:
Մանրամասները՝ թերթի այսօրվա համարում
