Նոր մանրամասներ Արտաշատում թունավորված երեխաների մասին

Արտաշատի թիվ 5 դպրոցից տեղի բժկական կենտրոն տեղափոխված երեխաները գտնվում են թեթև և միջին ծանրության վիճակում։ Այս մասին քիչ առաջ Aurora News-ի հետ զրույցում ասաց Արտաշատի բժշկական կենտրոնի փոխտնօրեն Աշոտ Գևորգյանը։ 

Բժշկի խոսքով՝ սննդային թունավորմամբ իրենց մոտ է տեղափոխվել 19 աշակերտ։ 

Կտրվի լրացուցիչ տեղեկություն։ 

Հիշեցնենք՝ Shamshyan.com-ի տեղեկություններով՝ այս պահին նշված վայր է ժամանել Արտակարգ իրավիճակների նախարարության փրակարար ծառայության Արտաշատի հրշեջ-փրկարարական խումբը: Ժամանել է նաև ոստիկանության Արտաշատի բաժնի օպերատիվ խումբը՝ բաժնի պետ Ռուբեն Ներսիսյանի գլխավորությամբ: Ժամանել է նաև մարզի ոստիկանապետի ժամանակավոր պաշտոնակատար Արթուր Զաքարյանը: Գ. Շամշյանի տեղեկություններով՝ Արարատի մարզպետ Գարիկ Սարգսյանի կարգադրությամբ դպրոց են ժամանում նաև մարզպետարանի համապատասխան վարչության աշխատակիցները: