Ռուսաստանի հայերը կարող են այցելել Ադրբեջան․ Մամեդյարով

Ադրբեջանի արտգործնախարար Մամեդյարովը հայտարարել է, որ հայկական ազգանուններ կրող Ռուսաստանի Դաշնության քաղաքացիները կարող են այցելել Ադրբեջան։

«Այդ մասին պետք է տեղեկացնեն Մոսկվայում Ադրբեջանի դեսպանատանը՝ ղարաբաղյան հակամարտության պատճառով «հուզական ֆոնից» խուսափելու համար»,- նշել է նա։ 

Հիշեցնենք՝ ավելի վաղ Ռուսաստանի քաղաքացի Քրիստինա Գևորգյանը Facebook-ում գրել էր, որ 13 ժամ անցկացրել է Բաքվի միջազգային օդանավակայանում: Գևորգյանն ասել է, որ բացի իրենից, ևս երկու ընտանիք չէր կարող մուտք գործել Բաքու՝ հարազատներից մեկի հայկական ազգանվան պատճառով: Ադրբեջանի արտգործնախարարությունը նշել է, որ Գևորգյանի հետ կատարվածը «մասնավոր դեպքը բորբոքելու փորձ է»՝ հավելելով, որ ադրբեջանա-ռուսական հարաբերություններում խնդիրներ չկան:

Ռուսաստանի արտգործնախարարությունը անդրադառնալով դեպքին հայտարարել է, որ հայկական արմատներով ռուսաստանցու մուտքը երկիր արգելելու Բաքվի մոտեցումն անընդունելի է: