Սա տոն է, որը շատ երկար տարիներ ուղեկցում է մեզ: Սխալված չեմ լինի ասել, որ Երևանը մեր ամենասիրելի քաղաքն է, որովհետև Երևանի ամեն շենքի ամեն քար իր մեջ ներառում է մեր ազգային երազանքներից մի կտոր: Այս մասին Երևանի 2801-րդ տարեդարձի առթիվ կազմակերպված հանդիսավոր միջոցառման ժամանակ ասաց ՀՀ վարչապետ Նիկոլ Փաշինյանը: 

«Ժամանակակից Երևանը, սկսել է կառուցվել այն ժամանակներում, երբ մեր ժողովուրդը թվում էր տարիներ առաջ հայտնվել էր ոչնչացման եզրին: Ամեն քարի հետ մեր ժողովրդի մեջքն էր ուղղվում, ողնաշարն էր ուղղվում, ոտքրեն էին ամրանում և ամեն շենքի հետ մեր ժողովուրդը վերականգնում էր երազելու իր ընդուանկությունը: Ամեն շենքի հետ մեր ժողովուրդը մտածողության նոր կերպ ու ձև էր գտնում ինքն իր համար: Ես համոզված եմ, որ Երևանը իր քաղաքաշինությամբ և ճարտարապետությամբ կանխորոշել է մեր ժողովրդի ապագայի մտածողությունը»,- նշեց վարչապետը: 

Նիկոլ Փաշինյանի ելույթն ամբողջությամբ` տեսանյութում