Հուսով եմ, որ ինչի մասին էլ խոսա, կմնա ռացիոնալության շրջանակներում. Արմեն Գրիգորյանը՝ Վանեցյանի մասին
Անվտանգության խորհրդի քարտուղար Արմեն Գրիգորյանը դժվարանում է ասել, թե ինչի մասին կարող է խոսել Արթուր Վանեցյանը, ինչի մասին ԱԱԾ նախկին պետը հայտարարել է։ «Բայց ես հուսով եմ, որ ինչի մասին էլ խոսա (Վանեցյանը), կմնա ռացիոնալության շրջանակներում, և ընդհանուր անվտանգության տեսանկյունից մենք որևիցե խնդիր չենք ունենա», – ասաց Գրիգորյանը:
Անդրադառնալով Վանեցյանի հրաժարականին՝ Գրիգորյանը նշեց, որ նշանակովի պաշտոններում հրաժարական չի լինում։
«Ազատման դիմում կարող է լինել. այս հարցն այս տրամաբանության մեջ պետք է դիտարկել։ Բնականաբար, նա հեռացել է վարչապետի որոշմամբ, քանի որ վարչապետն է այդ պաշտոններում նշանակումներ կատարում»,- ասաց նա։
