ՏԵՍԱՆՅՈՒԹ. Տոնոյանը` Վանեցյանի հրաժարականի մասին

ԱԱԾ տնօրենն իմ ընկերն է, իմ գործընկերն է: Մենք մեկուկես տարի շատ սերտ համագործակցել ենք, ես կթողնեմ բոլոր մեկնաբանություններն  իրեն, լրագրողների հետ զրույցում այսօր ասաց ՀՀ պաշտպանության նախարար Դավիթ Տոնոյանը:

«Չեմ կարող մեկնաբանել Վանեցյանի հրաժարականը, որովհետև դա անհատական որոշում է: Տեքստը ևս չեմ կարող մեկնաբանել, որովհետև մեկնաբանությունները դա իր իրավասությունն է և ես կարծում եմ Վանեցյանը դա կանի ժամանակին», - ասաց նախարարը:

Ինչ վերաբերում է ուսադիրների մասին հարգանքի վերաբերյալ հարցին, Դավիթ Տոնոյանը ի պատասխան նկատեց. «Ինքն այդպես է արտահայտվել ամեն դեպքում»:

Անդրադառնալով այն խոսակցություններին, որ Վանեցյանի հրաժարականը վարչապետի հետ տարաձայնությունների հետևանք է, նախարարը պատասխանեց. «Ես կարծում եմ՝ առանց տարաձայնությունների հրաժարական չի լինում»:

Հարցին՝ իրեն հայտնի՞ է Վանեցյանի և Փաշինյանի տարաձայնությունների պատճառը, Տոնոյանը բացասական պատասխան տվեց:

Տեսանյութը ` aysor.am-ի.