Ինչո՞ւ է Արթուր Վանեցյանի հրաժարականի տեքստը հանվել ԱԱԾ-ի կայքից. Էդուարդ Աղաջանյան
Քիչ առաջ ավարտվեց ՔՊ վարչության նիստը։ Նիստի ավարտից հետո վարչապետի աշխատակազմի ղեկավար Էդուարդ Աղաջանյանը լրագրողների հետ զրույցում ԱԱԾ նախկին ղեկավար Արթուր Վանեցյանի հրաժարականի տեքստը հեռացված է կայքից, արդյոք դա իշխանությունների հետ քննարկելու արդյունքում է եղե՞լ , Էդուարդ Աղաջանյանն ասաց. «ԱԱԾ-ի աշխատակիցները գտել են, որ դա է ճիշտը»։
Հիշեցնենքՙ Վանեցյանի հրաժարականի տեքստի մեջ ասվում էր. «Պետականաշինությունն իր տրամաբանությունն ունի` որոշումների տարերայնությունը, գործողությունների հախուռնությունը, առաջնայինը երկրորդականից, իսկ անցողիկը մնայունից չտարբերելու գործելաոճն այն ճանապարհը չէ, որը տանում է դեպի նպատակների իրականացում։ Այն ընդհանուր ոչինչ չունի սպայի արժանապատվության հետ. սպայի ուսադիրն ու զարգացումների նման ընթացքն անհամատեղելի են։ Իմ հրաժարականը թող լինի «Կանգ ա՛ռ»-ի սթափեցնող քայլ, մնացած բոլոր տարբերակներում կհաղթանակի հայրենիքի հանդեպ պարտքը:
Խաղաղություն ու անվտանգություն մեր երկրին։
Պատիվ ունեմ»:
