Ուռուցքաբանության կենտրոնի վիրաբույժը՝ տնօրենի ազատման մասին
Որտե՞ղ է արդարությունը, երբ աշխատանքից հեռացնում են ստեղծող ու կառուցող ղեկավարի, ով աշխատում էր միայն կենտրոնի զարգացման ու բարգավաճման նպատակով: Այս մասին ֆեյբուքյան իր էջում գրել է Ֆանարջյանի անվան Ուռուցքաբանության ազգային կենտրոնի վիրաբույժ Մհեր Կոստանյան՝ տնօրեն Արմեն Տանանյանը պաշտոնանկությանը։
«Հեռացնում են ... առանց որևէ պատճառի:
Հեղափոխությունից հետո մեր կենտրոնում բավականին ինտենսիվ ստուգումներ էին: Ինչ էին կորցրել ու ինչ էին փնտրում։ Արդյունքը - 0 թերացումներ, 0 չարաշահումներ, 0 խախտումներ:
Ու դրանից հետո հեռացնում են մի մարդու, ով գիշերն ու ցերեկը մեկ արած, սեփական եռանդի ու սեփական առողջության, սեփական միջոցների շնորհիվ միայն օրեցօր զարգացնում ու կատարելագործում էր կենտրոնը:
Էսօր նախարարության մի շարք աշխատակիցներ չկարողացան որևէ, թեկուզ կիսատ բացատրություն տալ հեռացման համար:
Հիմա տվեք բացատրություն - եթե ունեք:
ասեք՝ սև ա կամ սպիտակ,
մի՞թե արդեն մարդու աշխատանքը ու կատարածը չի գնահատվում,
մի՞թե սա է սիրո ու համերաշխության հեղափոխությունը»,- գրել է նա։
Հիշեցնենք, որ Վ. Ա. Ֆանարջյանի անվան Ուռուցքաբանության ազգային կենտրոնի տնօրեն Արմեն Տանանյանը առողջապահության նախարար Արսեն Թորոսյանի հրամանով ազատվել է զբաղեցրած պաշտոնից:
