Մասնագետները կազմել են լավագույն երեկույթների քաղաքների ցուցակը
Lonely Planet պորտալի մասնագետները կազմել են երեկույթների համար լավագույն քաղաքների վարկանիշային աղյուսակը: Առաջին հորիզոնականում սերբական Բելգրադն է:
Մասնագետները նշում են՝ Բելգրադն այնքան բազմաժանր է, որ յուրաքանչյուր զբոսաշրջիկ ինչ-որ հետաքրքիր երեկույթ կգտնի այնտեղ: Այստեղ բազմաթիվ միջոցառումներ են կազմակերպվում բոլոր ակումբներում, բարերում և բոլոր հնարավոր վայրերում:
Քաղաքն առանձնանում է նաև բավական «ժողովրդավար» գներով. 1 լ գարեջուրն արժե 2 դոլար, իսկ ոչ թանկ օթևանը՝ 30 դոլար՝ հանգստյան օրերին:
Երկրորդ հորիզոնականում մեքսիկական Պլայա-դել-Կարմենն է, երրորդ հորիզոնականում՝ Սինգապուրը:
Թոփ 10-ում տեղ են գտել նաև Սանկտ Պետերբուրգը, Տոկիոն, Սեուլը, Ստամբուլը, Բանգկոկը, Բուենոս Այրեսը և մեքսիկական Կաբո Սան Լուկասը:
