«Նիկոլից լավ դերասան աշխարհքի տակը չկա». դերասանի խոսքերը անգամ Փաշինյանի ծիծաղը շարժեցին
Գյումրու օրվան նվիրված միջոցառումների շարքում Նիկոլ Փաշինյանն այսօր ներկա է գտնվել նաև բացօթյա փոքրիկ ներկայացման, որտեղ, համընկնում էր, թե կանխամտածված ընտրություն, բայց ներկայացման գլխավոր հերոսի խոսքը հենց այդ պահին ուղղված էր թատերական խմբի ղեկավար ոմն Նիկոլի:
«Էս ինչխ է փոխվել Գյումրին: Տեսնիս մեր տեքստիլը կա՞ դեռ: Էդտեղ թատերական խումբ կար: Ըտեղ եմ սկսել, ըտեղ եմ հասկցել, ըտեղ եմ թատերական խումբ գնացել: Ղեկավարը ընգեր Նիկոլն էր: Նիկոլից լավ դերասան աշխարհքի տակը չկա: Ընձի հմի էլ ըդպես կթվա: Հլը ըսեք ընչի՞: Որովհետև ընգեր Նիկոլն է ընձի թատրոնի տառերը սորվցրել»,- ասաց դերասանը:
Ներկայացումը մի պահ ներկաների ծիծաղը շարժեց և իրարանցում առաջացրեց ՝ շատերի մոտ տպավորություն ստեղծելով, թե դերասանի խոսքերն ուղղված են հենց վարչապետին: Փոքրիկ ներկայացումը նաև Նիկոլ Փաշինյանի ծիծաղը շարժեց:
