Բեյրութում իսրայելական անօդաչու սարքերի ներխուժումը հարձակում է երկրի ինքնիշխանության վրա. Հարիրի
Լիբանանի վարչապետ Սաադ Հարիրին անվանել է Բեյրութի օդային տարածքում իսրայելական անօդաչու սարքերի ներխուժումը որպես հարձակում երկրի ինքնիշխանության վրա, հաղորդում է Reuters-ը:
Նրա խոսքով՝ Բեյրութում երկու իսրայելական անօդաչու սարքերի ներխուժումը սպառնում է տարածաշրջանային կայունությանն ու ավելացնում է լարվածությունը: Հարիրին հայտնել է, որ խորհրդակցություն է անցկացրել նախագահ Միշել Աունի հետ այն մասին, որ հետագա քայլերը կձեռնարկվեն «նոր ագրեսիայի» կապակցությամբ:
Ինչպես հաղորդում է ՏԱՍՍ-ը՝ գիշերային ժամերին Բեյրութի հարավում նկատվել են երկու իսրայելական անօդաչու սարքեր: Դրանցից մեկն ընկել է եւ հայտնաբերվել Մուավադ շրջանում՝ «Հեզբոլահ» տեղեկատվական կենտրոնի մերձակայքում: Մյուսը պայթել է օդում, իսկ դրա անկման հետեւանքով հրդեհ է բռնկվել շենքում: «Հեզբոլահ»-ի նախագահը հայտարարել է, որ ռազմական ոստիկանության աշխատակիցները չեն խոցել անօդաչու սարքերը:
