«Ոստիկանությունը մենակ միտինգ ցրող ա՞․ 40 րոպե չկային»․ «Մալաթիա մոլ»-ի հրդեհի վայրից ականատեսներ
Այսօր, ժամը 16։35-ին խոշոր հրդեհ է բռնկվել Մալաթիա վարչական շրջանում գտնվող կենցաղային իրերի «Վեգա» խանութի պահեստային մասում։
Հրդեհի բարդության «Թիվ 2» կանչով դեպքի վայր էին մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատները։ Ականատեսները դեպքի վայրից հայտնում էին․ «Սա ինչ է, ո՞նց կարող է ոստիկանությունը դեպքի վայր հասնել 40 րոպե անց։ ԱԻՆ-ը 2 մեքենա ուղարկի ու ջուրը վերջանա՞, մարդիկ հասնեն օգնության ու ապրանքը տանեն փողոցում շպրտե՞ն։ Անգամ խոսում են, որ չի բացառվում ապրանքների գողություն է եղել։ Փաստորեն Ոստիկանությունը մենակ միտինգ ցրող ա՞․ 40 րոպե չկային։ Այսքանից հետևություն ենք անում, որ ոստիկանության վրա հույս դնել պետք չի, նաև նման դեպքերում»։
