Արցախում՝ Ամարասի դաշտում, տղամարդու դի է հայտնաբերվել՝ վնասվածքներով. հավանաբար մահացել է ցուլի հարվածից
Ս.թ.օգոստոսի 23-ին ժամը 10:00-ին անհայտ քաղաքացուց ահազանգ է ստացվել ԱՀ ոստիկանության Մարտունու շրջանային բաժին առ այն, որ «Ամարաս» կոչվող վարչական տարածքի դաշտում կա տղամարդու դիակ: Այս մասին տեղեկացնում է Արցախի ոստիկանությունը:
ԱՀ քննչական կոմիտեի քննիչը պարզել է, որ նույն oրը ժամը 09:00-ի սահմաններում Մարտունու շրջանի բնակիչ,1980թ.ծնված Է. Մ-ն «Ամարաս» վարչական տարածքում տեղակայված առկա անասնաֆերմայի հարակից դաշտում հայտնաբերել է Մարտունու շրջանի բնակիչ,1980թ.ծնված Ս. Թ-ի դիակը:
Դիակի արտաքին զննությամբ հայտնաբերվել են մարմնական վնասվածքներ:
Նախնական տեղեկություններով Ս.Թ-ն մահացել է ցուլի հարվածելու պատճառով։
Ստուգմամբ զբաղվում է ԱՀ քննչական կոմիտեն:
Նշանակվել է դիակի դատաբժշկական փորձաքննություն:
