Հայաստանի ԱԻՆ-ում, հուլիսի 30-ին, ժամը 20:23-ին «911» ծառայությանն ահազանգ է ստացվել, որ Սյունիքի մարզի Խնածախ և Վաղատուր գյուղերի միջնամասում այրվում է խոտածածկ տարածք: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 23:40-ին, այնուհետև՝ ինքնամարվել: Այրվել է մոտ 15 հա խոտածածկույթ: Հրդեհաշիջման աշխատանքներին մասնակցել է Խնածախ գյուղի 8 բնակիչ: