Ռուսաստանի անվտանգության դաշնային ծառայությունը հայտարարել է «Իսլամական պետություն» ահաբեկչական խմբավորմանը հարող երկու ռուսաստանցիների ձերբակալության մասին:

Interfax-ի տեղեկությունների համաձայն՝ վերջիններս Թաթարստանում ահաբեկչություն էին նախապատրաստում:

ԻՊ-ի համախոհ ռուսաստանցիներին ձերբակալել են հենց ծրագրված հանցագործության վայրում: Նրանց մոտից առգրավվել են պայթուցիկ նյութեր և ինքնաշեն պայթուցիկների բաղադրիչներ:

Ձերբակալվածները նաև առնչություն ունեն ահաբեկչության քարոզչության և տեղի բնակիչների հավաքագրման հետ: Քննության շահերից ելնելով՝ նրանց ինքնությունը չի բացահայտվում: