Բյուրակն համայնքում գայլն ոչխարներ է հոշոտել

Այսօր՝ ժամը 16։30-ի սահմաններում, Ամասիա համայնքի Բյուրակն բնակավայրում գայլն ոչխարներ է հոշոտել։ Դեպքը եղել է ոչ թե սարում, այլ գյուղի տնտեսություններից մեկում։ Օրը ցերեկով գիշատիչը մոտեցել է Բյուրակն գյուղի բնակիչ Հմայակ Կիրակոսյանի տանը։ Նրա ոչխարները եղել են ոչ թե անասնագոմում, այլ հարևանի բակում՝ առանձնացված բաց տարածքում։ Հմայակ Կիրակոսյանը SHANTNEWS-ի թղթակցին պատմել է, որ փարախում 29 ոչխար է եղել, որից 13-ին է գայլը վնասել։ Դրանցից 7-ին հոշոտել է ամբողջությամբ, մյուսների կոկորդներն է ծակել, որոնք, ըստ տանտիրոջ, հարկադիր մորթի են ենթարկվելու։ Իր տնից մոտ 200 մետր հեռու էլ Հմայակ Կիրակոսյանի եղբոր տունն է։ 3 օր առաջ էլ նրա եղբոր ոչխարներից 2-ին էր գայլը հոշոտել։ Նշենք, որ Հմայակ Կիրակոսյանի տունը գյուղի ծայրամասում է։ Տանտիրոջ խոսքերով՝ գայլը երբևէ գյուղին այսքան չէր մոտեցել։ Իրենք նույնիսկ չեն էլ իմացել, որ տարածքում գայլ կա։