Այսօր ժամը 04:00-ին «911» ծառայությանն ահազանգ է ստացվել, որ Թումանյան կայարանի մոտակայքում բեռնատար գնացքի շարասյունում այրվում է վառելիքով բեռնված ցիստերներ: 

Պարզվել է, որ Բագրատաշենից Գյումրի ուղևորվող շարժակազմը բաղկացած է 29 վագոնից, որոնցից 17-ը ցիստերներ են (50 տ տարողությամբ), բեռնված վառելիքով (բենզին), 4-ը` բեռնված ցորենով, 1-ը` ալյումինե շին.նյութերով, իսկ մնացաց շարժակազմերը դատարկ են: Գծերից դուրս է եկել երկրորդ լոկոմոտիվը: 

Հրդեհի բարդության 3-րդ կանչով դեպքի վայր է մեկնել ԱԻՆ ՓԾ հրշեջ-փրկարարական ջոկատից ինը մարտական հաշվարկ: 

Հրդեհաշիջման աշխատանքներին մասնակցում են Վեոլիա ջուր ՓԲԸ-ի Ալավերդու տեղեմասի 1 ջրատար և Ալավերդի քաղաքի կոմունալ տնտեսության 1 ջրատար: 

Պարզվել է, որ այրվում է երկու 50 տ տարողությամբ ցիստերներ (շարասյունում 3-րդը և 4-րդը), առկա է հրդեհի տարածման վտանգ դեպի մյուս ցիստերներ : 

Հրդեհը մեկուսացվել է ժամը 06:31-ին: 

Կտրվի լրացուցիչ տեղեկություն: