Հուլիսի 25-ին խոշոր ու շղթայական ավտովթար է տեղի ունեցել Արարատի մարզում։ Ժամը 16։30-ի սահմաններում Արտաշատ քաղաքի Օգոստոսի 23-ի և Աթարբեկյան փողոցների խաչմերուկում բախվել են Երևանի բնակիչ՝ 19-ամյա Դավիթ Մ-ի վարած Mercedes մակնիշի 03 ՕՕ 063 համարանիշի, Արարատի մարզի Այգեստան գյուղի բնակիչ՝ 26-ամյա Կարեն Մ-ի վարած Mercedes մակնիշի 68 DD 008 համարանիշի, Արտաշատ քաղաքի բնակիչ՝ 33-ամյա Մարտին Ե-ի վարած Mercedes մակնիշի 13 RR 007 համարանիշի և Երևանի բնակիչ՝ 36-ամյա Վարդան Բ-ի վարած Toyota Corolla մակնիշի 327 AN 61 համարանիշի ավտոմեքենաները։

Ինչպես հայտնում է Shamshyan.com-ը, վթարի հետևանքով վարորդներից Վ. Բաբայանը բժշկական օգնություն ստանալու նպատակով տեղափոխվել է Արտաշատի բժշկական կենտրոն։