![«Ժողովուրդ». Նոր մանրամասներ են հայտնի դարձել զինվորի ինքնասպանության դեպքից](https://auroranews.am/storage/img/base_image/old/8d82ea87f1d9801c69ad181255d499b7.webp)
«Ժողովուրդ». Նոր մանրամասներ են հայտնի դարձել զինվորի ինքնասպանության դեպքից
![«Ժողովուրդ». Նոր մանրամասներ են հայտնի դարձել զինվորի ինքնասպանության դեպքից](https://auroranews.am/storage/img/base_image/old/8d82ea87f1d9801c69ad181255d499b7.webp)
«Ժողովուրդ» օրաթերթը գրում է. «Ինչպես հայտնի է, երեկ ժամկետային զինծառայող Վոլոդյա Գալոյանին գտել էին ինքնասպան եղած: Հայտնի դարձավ, որ ժամկետային զինծառայողը դիրքի ավագի հետ խնդիր է ունեցել և կրակել նրա ուղղությամբ: Օրաթերթին իր աղբյուրներից հայտնի դարձավ, թե ինչի շուրջ են վիճել ժամկետային զինծառայողն ու դիրքի ավագը:
Այսպիսով, զինվորների` դիտորդ դիրք բարձրանալուց առաջ դիրքի ավագը նկատել է, որ ժամկետային զինծառայող Վոլոդյա Գալոյանի գրպանը ուռած է: Դիրքի ավագը զինծառայողին հարցրել է թե ինչու է գրպանն ուռած, ինչ կա մեջը: Զինվոր Գալոյանը պատասխանել է, թե զինգրքույկն է: Դիրքի ավագը նրան ասել է, որ գրպանը դատարկի, և այդ դատարկելու ժամանակ զինվորի գրպանից հանել է հեռախոս, որից հետո էլ սկսվել է վիճաբանություն: Ու, փաստորեն, ըստ նախնական վարկածի` մի հեռախոսի պատճառով երիտասարդ զինվորն իր կյանքին վերջ տվեց»: