Վարդավառ և գորգերի փողոցային լվացում Ազգային ժողովում
Հուլիսի 28-ին՝ Վարդավառի օրը, Ազգային ժողովի պատգամավոր Հռիփսիմե Գրիգորյանի նախաձեռնությամբ, Ազգային ժողովի հարակից տարածքում կազմակերպվելու են Վարդավառ ու գորգերի լվացում՝ փողոցում։
«Միջոցառումը կսկսվի Բաղրամյան պողոտայում գորգերի լվացման արարողությամբ, այնուհետև կմեկնարկի Վարդավառը»,- ասվում է միջոցառման նկարագրության մեջ։
Ազգային ժողովի այգում ողջ օրվա ընթացքում կցուցադրվեն «Թուֆենկյան գորգ», «Մեգերյան կարպետ» և Հայկական գորգի ազգային կենտրոնի կողմից ներկայացվող հայկական ձեռագործ գորգեր։ Կանցկացվեն գորգագործության վարպետաց դասեր, կլինեն զրույցներ գորգերի մասին և քվեսթ: Միջոցառումը կեզրափակվի «Միքայել Ոսկանյան և ընկերներ» երաժշտական խմբի համերգով:
