Հայկական դրամը հայտնվել է ամենակայուն արժույթների ցանկում. Вести.Экономика

Վերջին մեկ շաբաթում (հուլիսի 18-25) նախկին ԽՍՀՄ երկրների արժույթների մեծամասնության փոխարժեքը նվազել է ԱՄՆ դոլարի նկատմամբ: 

Ինչպես հաղորդում է Вести.Экономика-ն, ազգային արժույթներից վեցը բացասական ցուցանիշ են գրանցել ԱՄՆ դոլարի նկատմամբ, իսկ 4-ին հաջողվել է դրական արդյունք գրանցել: 

Ըստ պարբերականի՝ ամենից շատ ամրապնդվել են հայկական դրամը (+0,09%), ուկրաինական գրիվնան (+1,36%), այնուհետև մոլդովական լեյը (+0,68%) և բելառուսական ռուբլը (+0,29%): Այսօրվա դրությամբ մեկ ամերիկյան դոլարը համարժեք է 475.94 դրամին: 

Նշվում է, որ մեկ շաբաթվա ընթացքում առավելագույն անկում է ցուցադրել վրացական լարին (-1,11%), այնուհետև ուզբեկական սումը (-0,46%), ռուսական ռուբլին (-0,27%), ղրղզական սոմը (-0,13%), ղազախական տենգեն (-0,06%) և տաջիկական սոմոնին (-0,0001%): 

Մինչդեռ դոլարը միջազգային շուկայում մեկ շաբաթում աճ է գրանցել (+0,4%): Միևնույն ժամանակ նշվում է, որ Brent հյուսիսծովյան ապրանքանիշի նավթի մեկ բարելի գինը մեկ շաբաթում 63.2 դոլարից հասել է 63.5-ի (+0,5%):