Սպասվում է մինչև +40 աստիճան շոգ․ Եղանակն՝ առաջիկա օրերին
Առաջիկա 5 օրերին հովտային և նախալեռնային շրջաններում սպասվում է բարձր կարգի հրդեհավտանգ իրավիճակ. այս մասին տեղեկացնում է ԱԻՆ-ը՝ ներկայացնելով առաջիկա 5 օրերի եղանակի կանխատեսումը հանրապետության տարածքում:
Ըստ այդմ՝ հուլիսի 17-ի ցերեկը, 18-19-ը հյուսիսային առանձին վայրերում սպասվում է կարճատև անձրև և ամպրոպ, առանձին վայրերում հնարավոր է նաև կարկուտ: Հուլիսի 20-22-ը սպասվում է առանց տեղումների եղանակ։
Քամին՝ հարավ-արևմտյան` 3-8 մ/վ, ամպրոպի ժամանակ հնարավոր է քամու ուժգնացում` 20-2 5 մ/վ:
Օդի ջերմաստիճանը հուլիսի 21-ին կբարձրանա 2-3 աստիճանով
Իսկ Երևան քաղաքում հուլիսի 17-ի ցերեկը, 18-22-ին սպասվում է առանց տեղումների եղանակ:
ԱԻՆ-ը ներկայացնում է նաև տվյալներ ՀՀ գետերի, լճերի, ջրամբարների, Սևանա լճի վերաբերյալ.
Գետերում բնական էական փոփոխություններ չեն դիտվել:
Խաղողի բերքատվության կանխատեսում
Մասնագիտացված ագրոօդերևութաբանական հաշվարկների և դիտված եղանակային պայմանների վերլուծության արդյունքում՝ 2019 թ. խաղողի հանրապետական միջին բերքատվությունը 1 հեկտարից սպասվում է 11 տ:
