Ոստիկանության պարեկային և ճանապարհապարեկային ծառայությունները կարող են վերացվել. «Իմ քայլը»
Հայաստանի վարչապետի հետ հանդիպման ընթացքում առաջարկություն է ստացվել ոստիկանության պարեկային եւ ճանապարհապարեկային ծառայությունները վերացնելու մասին՝ հետագայում նոր միասնական ծառայություն ձեւավորելու նպատակով։ Այս մասին լրագրողներին ասել է կառավարող «Իմ քայլը» դաշինքի պատգամավոր Սիսակ Գաբրիելյանը՝ մեկնաբանելով հնարավոր երկարաժամկետ բարեփոխումները տրանսպորտի ոլորտում։
«Այդ բարեփոխումը մեզ թույլ կտա որոշակի չափով ավելացնել պարեկային մեքենաների թիվը քաղաքում, ինչը կհանգեցնի վարորդների զգոնության բարձրացմանը»,- հավաստիացրել է Գաբրիելյանը։
Նա միաժամանակ նշել է, որ խախտումներն արձանագրող գաղտնի տեսախցիկների թիվն էապես չի բարձրանա, քանի որ վարչապետն ինքը դեմ է հանդես եկել այդ նախաձեռնությանը եւ առաջարկել է ինչ-որ այլընտրանքներ գտնել։
